கவிதைகள்

Wednesday, August 4, 2010

அடடே

முட்கள் இருந்தும்

கவலை இல்லாத பயணம் ..

"கடிகாரம்"

ஷண்முக குமார் .... திருச்சி

ENNUL NEE

என்னுள் (நீ)

நீ

என்னிடம்

எதை வேண்டுமானாலும்

கேள் ..

என்னுள்

இருக்கும்

உன்னைத்தவிர ....

செந்தில் ..,ஊட்டி

MUTHAR KATHAL

முதற்காதல்

சஹாராவில்  சிந்திய
முதல்  பனித்துளியை  விட
தன்மையானது  ........

என்னவன் சுவாசம்
சுமக்கும் காற்றின் தீண்டல் ...

இரவு வானில்
வரும் நிலவை விட
ஒளியானது ....

புன்னகை சிந்தும்
இதழ்களின் முகம் .........

கம்பன் செல்லி
கவிதைகளை விட
இனிமையானது ........

உறங்கும் பொழுதில்
உலரும் சொற்கள் ............

வேரின் நுனி செல்லும்
நீர்த்துளியை விட
ஆழமானது ......

நானும் உன்னோடு
நாளும் உன் நினைவோடு .....

அருணா..

OVIYAM

ஓவியம்

சுத்தம் செய்ய மனம் வரவில்லை
ஓவியமாய் இருக்கிறது

ஒட்டடை .....

மின் அஞ்சல் வழியாக ....மீரா

Sunday, July 4, 2010

நீச்சல் குளத்துச் சிறுமி

தவறிப்போன

ஆற்றின் பேரழகை

புறக்கணிகப்பட்ட

கிணற்றின் சுடர்மிகு ஆழத்தை

மறுக்கப்பட்ட

குளத்தின் பெரும் அமைதியாய்

தேடித்தேடி நீந்துகிறாள்

சுற்றுலாத் தளத்தின்

செயற்கை நீச்சல் தொட்டியில்

சிறகுகளை குறுக்கிய படி

சிறுமி ஒருத்தி ..

-----------க .அம்சப் பிரியா ,மின் அஞ்சல் வழியாக ....

BOOMI

பூமி

நாம் நம் முன்னோர்களிடம் இருந்து

பூமியை

கடனாக பெற்று இருக்கிறோம்....

அனுபவிக்க முழு உரிமை உண்டு

அழிக்க துளி கூட உரிமை இல்லை ...

மின் அஞ்சல் வழியாக ....பசுமை தாசன்

DHAANAM

தானம்

முல்லைக்கு தேர் கொடுத்தானாம்

பாரி மன்னன்

அவனுக்கென்ன

அது மக்களின் வரிப்பணம் தானே........

-------------மு. கண்ணதாசன் ,மின் அஞ்சல் வழியாக